Mësoni më shumë rreth bio.inspecta shpk

bio.inspecta në Shqipëri është trupa e parë certifikuese shqiptare e listuar nga Komisioni Evropian në listën e Organizmave të Njohur të Inspektimit dhe Çertifikimit. bio.inspecta ndihmon ekonomitë bujqësore dhe bizneset të zhvillojnë dhe forcojnë pozicionin e tyre në treg në mënyrë të qëndrueshme. Me gamën e saj të plotë të shërbimeve, bio.inspecta përfaqëson cilësinë, besueshmërinë dhe dobinë e klientit.

Vizioni

Nëpërmjet certifikimit ne mbrojmë prodhuesit, garantojmë konsumatorët dhe i shtojmë vlerë produktit.

Orientuar drejt së ardhmes

bio.inspecta është ofruesi kryesor i shërbimeve të inspektimit dhe certifikimit për produktet e prodhuara në përputhje me parimet e qëndrueshmërisë mjedisore dhe sociale dhe mirëqenies së kafshëve.

Besueshmëri

Stafi kompetent dhe me përvojë i bio.inspecta është i fokusuar për të kryer inspektimin dhe certifikimin e fermave bujqësore dhe kompanive të përpunimit dhe tregtimit - në mënyrë të qartë, të pavarur dhe të besueshme. Në këtë mënyrë garantohet besueshmëria e produkteve dhe proceseve të inspektuara dhe certifikuara nga bio.inspecta.

Orientuar drejt klientit

bio.inspecta orienton aktivitetet e saj drejt nevojave të klientëve dhe ka komunikimin të hapur me ta. bio.inspecta përpiqet vazhdimisht të rrisë kënaqësinë e klientëve të saj duke ofruar, nga një burim, brenda dhe jashtë vendit, produkte që plotësojnë kërkesat e klientëve dhe shërbime që janë efikase.

Përkushtim

Në punën e saj të përditshme, bio.inspecta është aktive në promovimin e bujqësisë organike dhe e përkushtuar ndaj çështjeve etike dhe sociale. bio.inspecta përpiqet të ruajë një mjedis pune pozitiv. Duke ndihmuar stafin të përmirësojë aftësitë e tyre sociale dhe profesionale, bio.inspecta i motivon ata të punojnë në një mënyrë të orientuar drejt rezultateve, të pavarur dhe të fokusuar në ekip.

Historiku

bio.inspecta shpk në shqipëri është rezultat i një procesi të gjatë konsolidimi bazuar në partneritet, siguri dhe besueshmëri. Në vitin 2006, në kuadër të projektit SASA, u krijua organizata jofitimprurëse Albinspekt si organizmi i parë certifikues shqiptar i akredituar dhe i njohur nga Komisioni Europian për certifikim sipas rregullores organike europiane. Në vitin 2017, Albinspekt bëhet pjesë e bio.inspecta - Zvicër, duke dhënë mundësinë e ofrimit të të gjitha shërbimeve nga një burim i vetëm. Si anëtar i Easy Cert Group - një ombrellë ndërkombëtare e organizmave certifikues, ne synojmë t'u shtojmë vlerë klientëve tanë. Në vitin 2020 themelohet dega bio.inspecta në Kosovë me zyrë lokale.

bio.inspecta shpk është tashmë përfaqësuesi i bio.inspecta për Shqipërinë, Kosovën dhe rajonin e Ballkanit Perëndimor.

Njohjet dhe anëtarësimet

Komisioni Europian

E listuar nga Komisioni Europian për ofrimin e inspektim-certifikimit sipas Rregullores Ekuivalente me EEC 834/2007, “Për prodhimin organik dhe etiketimin e produkteve organike” dhe rregullat zbatuese EEC 889/2008.

Komisioni Europian

Shërbimi i Akreditimit Zviceran

bio.inspecta AG ëshë akredituar sipas ISO 17065, për ofrimin e inspektim-certifikimit sipas Rregullores Ekuivalente me EEC 834/2007, “Për prodhimin organik dhe etiketimin e produkteve organike” dhe rregullat zbatuese EEC 889/2008.

Certifikata e akreditimit

Ministria e Bujqësisë dhe Zhvillimit Rural

Njohur nga Komisioni Shtetëror i Prodhimit Organik (KSHPO) pranë Ministrisë së Bujqësisë dhe Zhvillimit Rural për ofrimin e inspektim-certifikimit sipas ligjit 106/2016 "Për prodhimin biologjik, etiketimin e produkteve biologjike dhe kontrollin e tyre".

Certifikata e regjistrimit

Ministria e Bujqësisë, Pylltarisë dhe Zhvillimit Rural – Kosovë

bio.inspecta është e njohur nga Ministria e Bujqësisë, Pylltarisë dhe Zhvillimit Rural në Kosovë për ofrimin e inspektimit dhe certifikimit për fermerët dhe kompanitë me vendndodhje në Kosovë sipas ligjit organik.